Sachhi Muchhi Baarish??

Haa mere dost wahi baarish,
wahi baarish jo aasmaan se aati hai,boondo mein gaati hai
Pahado se fisalti hai,nadiyo mein chalti hai
nahero mein machalti hai,kuen pokhar se milti hai
Khaprailon par girti hai,galiyon mein firti hai
mod par sambhalti hai,fir aage nikalti hai......wahi baarish

Ye baarish aksar gili hoti hai,isey paani bhi kehte hai
urdu mein aab marathi mein paani tamil mein tanni kannad mein neer aur bangla mein Jol kehte hai....
Sanskrit mein jissey waari neer jeevanpaey amrut udd ambu bhi kehte hai......
Greek mein jissey aqua pura angrezi mein isse water french mein auoo aur chemistry mein H2O kehte hai......

yeh paani aankh se dhalta hai toh aaso kehlata hai
lekin chehre pe chad jaye toh rubab ban jaata hai
ha sharam se koi paani paani ho jaata hai
aur kabhi kabhi ye paani sarkaari fileo mein apne kuey samet chori ho jaata hai........

paani to paani hai paani jindagani hai......
isley jab ruh ke naadi suki ho mann ka hiran pyasa ho dimaag mein lagee ho aag
aur pyaar kee gagar khaali ho...... tab mein hamesha
ye baarish naam ka geela paani lene ke rai deta hoon......

meri maaniye toh yeh baarish kharidye.....
sasti sundar tikao baarish sirf paanch hazar rupiah mein...
issey kam mein koi de toh chor kee saja ho meri aapke jutee seer par meri.....
meri baarish kharidye....sasti sundar tikao bearish

- Nana Patekar in the film 'Thodasa Roomani Ho Jaye, Directed by Amolm Palekar